S*O*K*A Admin
عدد الرسائل : 98 العمر : 36 Location : El Haram نقاط : 57750 تاريخ التسجيل : 27/07/2008
| موضوع: قلنا النضافة م الإيمان.. الأربعاء أغسطس 20, 2008 7:06 am | |
| قلنا النضافة م الإيمان..
البلد بقت أقذر م الأول..
رفعنا شعار الأمن والأمان..
الخوف بقي أكتر م الأول..
كهربنا السور..
حطينا سم فيران..
الحرامي بقي أشجع م الأول..
اتعلمنا لغات..
وعلوم بيئة وإنسان..
الجهل بقي أبشع م الأول..
وفرضنا ضرايب..
ع الهوا والموت والأحزان..
ضهر البلد انحني أزيد م الأول..
وعندنا زيادة ف عدد السكان..
بس احنا أقل كتير م الأول..
ومحمد وحنا..
بيتقابلوا بالأحضان..
بس الحضن..
مش صافي ليه زي الأول..
وأنا وانت سوا ف كل دقيقة..
وكل مكان..
لكن مش شايفين بعض زي الأول..
وأهو ميت مسنود علي عيان..
وبيتمني العمر يطول..
يمكن..
يمكن..
يرجع أحسن م الأول | |
|
SHAMS مشرفة
عدد الرسائل : 54 نقاط : 57710 تاريخ التسجيل : 31/07/2008
| موضوع: رد: قلنا النضافة م الإيمان.. الأربعاء أغسطس 20, 2008 2:52 pm | |
| جااااامده وهو ده بقى حال بلدنا مش عاوزين نفوق ابدا بس يا ترى العيب فى مين...؟
| |
|